Nagapanawagan si Kalibo Sangguniang Bayan Member Agusto Tolentino sa tanan nga natungdan nga ahensya sa banwa it Kalibo ag gobyerno probinsya it Aklan nga maging alerto sa paeag nga daea it maeapnagon nga oil spill.
Nataeupangdan nga presenteng sa kaeawran makaron it Mindoro ro oil spill nga maghalin sa barkong MT Princess Empress nga nag-eugdang maeapit sa lugar.
Suno kana nga masyado rayang peligroso eabi eon gid sa mga kaeapit karang kaeawran bangud sa ginkumpirma it Philippine Coast Guard nga nag-abot eon raya sa may bahin it Caluya,Antique.
Taw-an sigon eagi raya it igtueupangod para indi eon eubusan nga makaabot sa kaeawran it Aklan partikular sa Isla it Boracay.
Angot kara, magpatigayon sigon it emergency meeting ro lokal nga gobyerno kaibahan ro mga concerned agencies para madaling ma-aksyonan ro maeapnagon nga pagkalhit it nasambit nga langis sa kaeawran..
