KALIBO, Aklan — Ro mga mabaskog nga uean antes ro Paskwa hay nagtuga it grabeng pagbaha ag paghugos it eugta sa pilang parte it Luzon ag Visayas nga naging rason it pag-evacuate it mga pamilya nga nasamaran it mga baeay.
Sa Dalaguete, Cebu, sangka landslide ro nagbaeabag sa mga karsada, samtang maeapnagon nga pagbaha ro nagpaeumos sa mga baeay sa Eastern ag Northern Samar, Lopez, Quezon, ag Oriental Mindoro.
Nagdeklara man it state of calamity ro Baco, Oriental Mindoro kun sa siin haeos tanan nga barangay hay apektado.
May ginpatigayon man nga rescue operations sa Puerto Princesa, Palawan, matapos nga na-trap ro mga residente sa mga rooftop, ag naduea-an it kuryente bangud sa mga landslide sa Mountain Province.
Ro mga pagtinguha sa pagbulig hay nagapadayun, kaibahan ro mga lokal nga gobyerno at ahensya nga nagatau it bulig sa mga apektadong komunidad.
