SPORTS News —- Haum nga magbuyot it armas ro magmaeanghud nga retired Ukrainian boxing stars nga sanday Vitali ag Wladimir Klitschko agud nga depensahan ro andang nasyon kontra sa pagsakop it Russia.
Umpisa 2014, nagapabilin nga alkalde si Vitali Klitschko sa siyudad it Kyiv, nga kapitolyo it Ukrainian.
Ginpahayag it 50 anyos nga si Vitali nga sangka madugong bakbakan eon ro sitwasyon it Ukraine ag Russia.
Ro igmanghud nana nga si Wladimir, 45-anyos, nagpalista bilang reserve army it Ukraine.
Ro plano sigon ni Russian president Vladimir Putin hay paeag sa “European way of life.”
Ginpahayag man it boxing promoter it magmaeanghud nga Klitschko nga si Tom Loeffler, sa San Gabriel Valley California Tribune, nga nagapabilin sa Kyiv ro daywa ag “eowas sa makaron”.
Parehong nag-obra it marka sa patag it boksing ro magmaeanghud nga naging heavyweight boxing champion sa kalibutan. Pareho man sanda nga kaibahan sa International Boxing Hall of Fame.
May rekord si Vitali nga 45-2 kat magretiro, samtang 64-5 man ro rekord ni Wladimir Klitschko.
Nag-umpisa ro pagsalakay it Russia sa Ukraine ko Huwebes, pilang oras matapos imandu ni Putin ro “special military operation” ko Miyerkules it gabi-e.
