HEALTH News — Mga pamaagi kon paalin nga magpaniwang sa tamang pamaagi.
Kon magpanindahan, pili-on ro karne nga sangkiri ro tambok.// iseparar ro tambok sa unod antes nga eaha-on .
Mas healthy ro pag-ihaw ag pag-steam it pagkaon kaysa sa pirmeng pagprito.
Kun gusto it healthy nga sawsawan sa tinuea, maggamit it eanggaw nga nagabulig nga nagapaniwang.
Sangkiri eamang ro ibutang nga mantika sa pag-eaha bangud nga pwede raya nga magpataas it inyong kolesterol.
Sa pagtimpla it pagkaon, hinay-hinay eang sa pagbutang it asin nga kaaway it mga may altapresyon ag may sakit sa tagipusuon.
Magbakae it mga maisot nga pinggan ukon 9 inches kaysa sa 12 inches .
Kinahangean sigon nga masanay ro isip nga sangkiri eang ro boe-on nga pagkaon .
Ag kun ano ro ginbutang sa pinggan, raya eamang ro kaunon .
Bawae ro piknit-piknit ukon second serving.
Sa mga nanay, indi pagpiliton nga ubuson ro nabilin nga pagkaon bangud paniguradong magatambok kamo.
Antes nga mag umpisa nga magkaon, mag inom anay it sangka baso it tubi agud nga mabusog it sangkiri.// Puwede man nga mag-inom it clear soup.
Kon mag-inom it mga likido, medyo nakukumbimsi ro atong utok nga busog eon kita .// Magbawas sa pagkaon it humay .
Dahan-dahan eamang sigon sa pagpaniwang .
Indi pag-gutumon ro kaugalingon . Magkaon it tig sangkiri sa bilog nga adlaw kapareho it mansanas, saging ukon pandesal, para pirmeng may sueod ro inyong tiyan.
