Ginakondina it 17 ka mga agriculture group ro pagbuhin it taripa ag nagaapela ro mga raya nga papanaugon sa puwesto si Secretary Arsenio Balisacan it National Economic and Development Authority (NEDA) bangud sigon sa anang “pro importation ideology”.
Suno kay Jayson Cainglet, tagapagdumaea it grupong SINAG, nagtibyog ro 17 ka grupo sa agrikultura bangud sa panan-awan ni Balicasan ag kontra sanda tanan sa anang gindihon nga pagbuhin it taripa sa mga produktong agrikultura.
Suno mat-a kay Leonardo Montemayor, dating sekretaryo it Department of Agriculture (DA) ag chairperson ng Federation of Free Farmers, magasueat sanda kay Pangueong Ferdinand Marcos Jr., kon sa siin kumpyansa sanda nga makaangkon it personal nga paghinun-anon sa presidente.
Kinahang-ean sigon nga hambaeon it mga raya nga gusto nandang magresign si Secretary Balisacan ag dapat nga magbalik eon lang imaw sa Philippine Competition Commission.
