Gin-engganyo it Malacañang ro publiko nga i-report ro anumang pagpang-abuso ukon iregularidad sa pagpili it mga benepisyaryo it Presidential Scholarship Program.
Suno kay Palace Press Officer ag Communications Undersecretary Claire Castro, pwedeng ipaabot ro mga reklamo sa Liga ng mga Barangay, DILG, Presidential Communications Office, ukon Office of the President.
Sabat raya ni Castro kat kutan-on angot sa social media post nga may kaangtanan sa unga it barangay official nga napabalita nga nakabaton it scholarship sa idaeum it programa.
Ginpamilit ni Castro nga bukon it awtomatikong disqualified ro mga igbata it barangay officials, basta nga pasado sanda sa gintaeana nga requirements ag kwalipikado sa programa.
Ginpahayag dugang nga ro mga iskolar hay ginapili it mga opisyal it barangay kaibahan ro education committee it Sangguniang Barangay. Ro OP ro nagapatuman it programa sa pakikipagbueuligan sa Liga ng mga Barangay national office ag DILG.
Target it scholarship ro graduating college students nga nagapameligro nga mapundo sa pagtuon bangud sa kakueangan sa pinansyal nga suporta.
