Ginpamilit it Malacañang nga obligasyon ni Vice President Sara Duterte nga ipakita ro kamatuoran sa publiko kun owa imaw it ginatago.
Raya ro sabat it Palasyo matapos hambaeon it kampo ni Duterte nga owa sanda it ginakahadlukan nga mga dokumento, apang nagpamalibad sa hinyu nga mabuksan ro financial records it bise presidente bangud sa isyung legal.
Suno kay Palace Press Officer Claire Castro, bukon it “magic wand” ro impeachment, apang ro pinaka-importante hay ro kamatuoran.
Kun owa sigon it dapat nga ikahadlok si Duterte, owa imaw it rason agud nga indi ipakita ro anang mga record.
Duda man si Castro nga magapirma ro Bise Presidente it waiver para mabuksan ro anang financial records.
Samtang, sa makaron hay owa pa it awtorisasyong ginpirmahan si Pangueong Ferdinand Marcos Jr. para maipaguwa ro tax records ni VP Sara.
