Nagapati ro Malacañang nga nakabase sa ebidensya ag bukon sa pulitika ro kasong plunder ag graft nga ginpasaka kontra kay Senador Rodante Marcoleta.
Sa press conference sa Vancouver, ginpahayag ni Palace Press Officer Undersecretary Claire Castro, may kahigayunan si Marcoleta nga depensahan ro kaugalingnon sa tamang proseso it laye samtang obligasyon mat-a it gobyerno nga usisaon ro sin-o man nga may bastante nga ebidensya it anomaliya.
Suno kana nga klaru ro polisiya ni Pangueong Ferdinand Marcos Jr., nga pasabton ro tanan nga eakot sa korapsyon, anuman ro andang posisyon.
Ginpamalibaran man it Palasyo ro alegasyong selective justice, ag ginhambae nga nakabaehag sa resolusyon it Ombudsman ro mga basehan ag ebidensyang gingamit sa pagpasaka it kaso.
Ginpamilit pa ni Castro nga owa nagapadaea-daea ro gobyerno sa anumang pressure ukon protesta.
Ginabuytan eamang sigon it mga imbestigador ag korte ro andang obligasyon agud nga mapasabat ro sin-o mang mapamatud-an nga nagkasaea.
