KALIBO, Aklan—Gin-engganyo ni Ambassador Dato Abdul Malik Melvin Castelino it Malaysia ro lokal nga gobyerno it Malay nga ikonsidera ro pagtanyag it Halal nga pagkaon para makaengganyo it mas maabong dumueoong turista.
Ro halal food hay anumang pagkaon nga ginapasugtan sa idaeom it laye it Islam kaparehas sa mga gintumod sa Quran.
Sa datos it Department of Trade and Industry, may una nga $3.3 global market para sa Halal food.
Samtang, ginpasiguro ni Western Visayas Tourism Director Crisanta Marlene Rodriguez nga makikipag-angot sanda sa Department of Science and Technology (DOST) para matao it Halal food orientation sa mga restaurant sa mga resort sa isla.
Mag-eowas kara, base sigon sa anang naging eksperyensya sa pag-abot sa paeoparan, gusto nana raya nga maimprobar kapin eon ag sambilog ro Boracay sa ginadayo it mga dumueoong turista agud nga maging eowas ro paghugpa it andang ginasakyan nga eroplano.
Nasayuran nga ro nasambit nga business forum hay gin-organisa it Global Tourism Business Associations kabulig ro Department of Tourism, gobyerno probinsyal it Aklan ag lokal nga gobyerno it Malay.
