KALIBO, Aklan—Personal nga nagparecord sa Boracay Police Station ro sangka MAP member matapos imaw nga sampaeon it sangka negosyante samtang naga-isyu it citation ticket kahapon sa isla it Boracay.
Ginkilaea ro tagreklamo kay Carlos Magdaluyo, 55-anyos, residente it Sitio Bantud, Brgy. Manoc-manoc sa isla it Boracay samtang nakilaea mat-a ro ginatumod nga suspek ag negosyante nag si Rose Marie Visca, 49-anyos, residente it Yapak sa nasambitang isla.
Base sa imbestigasyon it pulisya, may pilang adlaw eon sigon nga natueopangdan nga owa it nagakaigong business permit to operate sa anang negosyo ro suspek.
Kung sa siin, sa unang pag-adto sigon kana it tagreklamo hay gin-abisuhan pa anay imaw nga magbuoe it permit ag gintaw-an it palugit nga pilang adlaw.
May kaangtanan kara, sa pagbalik sigon kahapon it MAP member para uman nga usisaon si Visca angot sa anang business permit hay owa sigon raya it naipakita.
Bangud kara, gin-isyuhan imaw it citation ticket kung siin imbes nga pirmhan raya it suspek hay sinampae pa sigon kara ro tagreklamo.
Ro insidente hay nagtuga it mabahoe nga kahuy-anan sa parte it MAP member bangud una sigon sanda sa pampublikong lugar ag abo ro nakakita sa insidente.
Samtang, desidido man nga magpasaka it nagakaigong kaso ro tagreklamo kontra sa negosyante.
