Gin-presenta it House prosecution panel sa pagpamati angot it saea sigon nga paggamit it confidential funds ni Vice President Sara Duterte ro sangka acknowledgment receipt halin sa Office of the Vice President nga ginsumite sa Commission on Audit (COA), kun siin nakabaehag nga nagbaton si “Mary Grace Piatos” it ₱70,000 bilang “payment of reward (medicines).”
Suno sa dating COA state auditor nga si Roderick Wamil, kueang ro resibo sa mga kinahangean nga supporting documents ag posibleng eumabag sa Joint Circular 2015-01 bangud uwa it walang kaeakip nga ebidensiya it madinaeag-on nga operasyon nga kinahangean sa paggamit it confidential funds para sa reward payments.
Ginhambae man nana nga indi masigurado halin sa resibo eamang kun ro ginbayad hay para sa bueong.
Madumdumang ginkwestyon eon kato it mga mamalidha ro pangaean nga “Mary Grace Piatos,” ag ginkumpirma it Philippine Statistics Authority nga uwa raya it opisyal nga rekord sa nasyon, rason para ipamilit it prosekusyon nga posibleng raya hay sangka pekeng personalidad nga ginamit sa pag-gastos it confidential funds.
