KALIBO, Aklan — Nagapadayon ro voter’s registration it Commission on Election ukon Comelec sa pihak it ginapabutyag nga inde madayon ro Sangguniang Kabataan (SK) and Barangay election 2020.
Raya hay suno kay Crispin Raymund Gerardo, tagapaghambae it Comelec-Aklan sa interview it Bombo Radyo.
Maskin nga uwa it kasiguraduhan nga makaangkon it election sa buean it Mayo hay padayon sigon ro andang calendar of activities kon siin may ginapatigayon sandang satellite registration agud nga masigurong makaparehistro ro kada isaea.
Ginpahayag dugang nga bukas ro Comelec offices sa mga kabanwahan agud nga magbaton it andang mga kutana.
Suno pa kay Gerardo, may nagakaigo eon nga impormasyon ro mga nagapadueong sa andang taeatapan sa bulig it media bangud nga may daea eon ro mga raya nga birth certificate para sa andang pagkatawo kamana man agud nga inde eon sanda malisdan sa pagfill-up sa form.
