Arestado it National Bureau of Investigation (NBI) ro naga-abot sa 124 nga mga dumueuong ag mga Pilipino sa Makati City bangud sa ‘mala-POGO’ nga hub ukon ginatawag nga “lust scam.”
Gin-raid it NBI-Special Action Unit (SAU) ko Setyembre 26 ro sangka “call center” sa Ayala Avenue pinaagi sa search and cyber warrants.
Kaabuan sa mga nadakpan hay ro mga Chinese nationals, iba pa nga mga foreigners, ag mga Pinoy nga naga-atubang sa mga komputer ag nagagamit it mga script para sa online scam.
Narekober sa lugar ro mga sekswal nga litrato ag videos it mga babaye nga andang ginagamit para mang-scam.
Suno kay NBI Director Melvin Matibag, ginpatigayon ro operasyon matapos makabaton it intelligence report angot sa “love scam” ag iba pa nga online fraud nga naghalin sa nasambit nga lugar.
Ginapahaum eon ro mga reklamo kontra sa mga naaresto may kaangtanan sa computer fraud sa idaeum it Cybercrime Prevention Act.
Nakig-angot eon ro NBI sa Bureau of Immigration (BI) para sa beripikasyon it estado it naeakip nga mga foreigner.
