Kasunod it nagahilapit nga paskwa ro pag-eamig man it temperatura sa pilang nasyon partikular sa Madrid, Spain.
Kung siin ginapatigayon man ro dag-onang pagparada it mga karnero maghalin sa mga kabukiran it nasambit nga lugar.
Suno kay Bombo International Correspondent Maria Edzel Lamparero Lopez it Madrid, Spain nga masobra sa 2000 nga mga karnero ro nagpatigayon it nasambit nga parada ko nagtaliwan nga Oktubre 23, 2022.
Nag-umpisa sigon ko dag-on it 1994 ro pagpatigayon it pagparada sa mga karnero.
Ro nasambit nga festival hay para ipadumdum sa mga bag-ong henerasyon ro mga ginahimu dati it mga pastor.
Nasayuran nga bangud sa pag-eamig it temperatura nagapanaog sa mga manaba ukon patag nga lugar maghalin sa mga kabukiran ro mga karnero bangud sa indi masarangan nga kaeamig sa ibabaw it bukid
