NATIONAL News —- Kabilugan nga 75,540 nga indibidwal ro ginaeauman nga magabo-oe it Career Service Examination-Pen and Paper Test (CSE-PPT) sa 77 nga testing centers sa Domingo nga adlaw, Marso 13.
Gin-anunsyo ni Chairperson Karlo Nograles nga pagahaeugaan it CSC ro andang patakaran kasunod it pagnaba it kaso it COVID-19 sa bilog nga nasyon.
Suno kana nga ginduea eon nanda ro face shield requirement, apang obligado gihapon ro pagsuksok it face mask.
Ro civil service exam hay uman nga pagapatigayunon sa domingo matapos nga madelay it pilang dag-on bangud sa pandemya.
Mag-eowas sa face mask, kinahangean man nga daehon it mga examinee ro andang vaccination card ukon vaccination certificate.
Ro mga partially vaccinated ukon naka-unang dose pa eang it bakuna hay pwede sa gihapon nga mag-exam apang kinahangean nanda nga magdaea it negatibong resulta it anuman nga COVID test.
