KALIBO, Aklan–Sumaka eon sa 1,047 ro namatay halin kat mag-umpisa ro heatwave sa Espanya.
Suno kay Bombo International Correspondent Maria Edzel Lampapero Lopez, nursing supervisor sa sangka pribadong ospital sa Madrid, Spain nga raya eon ro pinakamataas nga numero it namatay tuga it heatwave sa nagtaliwan nga pilang dag-on.
Padayun suno kana nga na-eksperyensyahan sa andang lugar ro grabeng init it tyempo.
Sa makaron, naga-average sigon it 24 hasta 42 degrees celsius ro temperatura sa andang nasyon.
May kaangtanan kara, sigidas gihapon ro pagpanaeasa it wildfire sa pilang ka mga lugar.
Apisar nga kontrolado eon it mga bumbero ro kaeayo apang padayun gihapon ro pagtuhaw it sunog kada adlaw.
Kaeabanan sigon nga naapektuhan ro operasyon it tren ag bus nga nagapangunang transportasyon sa Espanya.
