Ginpamilit it Sugar Regulatory Administration (SRA) nga ginasamantala it pilang trader ukon negosyante ro presyo it asukar sa merkado.
Suno kay SRA Administrator Engr. Hermenigildo Serafica, owa sanda it police power agud nga matapna ro mga bentahosong negosyante nga nagaresulta sa kakueangan it supply.
Ginpahayag pa nga magabuhay pa it hasta Agosto 5 ro supply it raw sugar samtang ro refined hay hasta sa July 11.
Sa makaron hay naga abot eon sa P3,250 pesos ro kada sako it puting asukar halin sa dating P1,500 pesos hasta P1,700 pesos.
Nagtaas man sa P2,700 pesos ro kada sako it pueang asukar halin sa dating P2,000 pesos.
Ginpasiguro man it SRA nga may nagapaabot eon nga 200 metric tons ukon ap-at nga milyong sako it asukar sa nasyon nga halin sa China ag Vietnam sa masunod nga buean
