NATIONAL News—Ginpasiguro it Philippine National Police (PNP) nga andang igapatuman ro “maximum tolerance” sa pagpatuman sa panibag-ong protocol nga ginpagguwa it IATF kun siin pwede eon nga makagguwa ro limang dag-on nga mga unga sa pilang lugar sa nasyon.
Ginpadumduman ni PNP Chief, Gen. Guillermo Eleazar, ro mga ginikanan nga magdoble dahan sa pagguwa kaibahan ro mga unga matapos ro pagpasugot it IATF.
Suno sa PNP chief nga may mga lugar pa gihapon nga hugut nga ginabawaean ro mga unga kapareho sa pagsueod sa mga mall.
Suno kana, indi dapat magpakampante ro mga ginikanan sa pagguwa it baeay bangud una pa gihapon ro paeag it COVID-19 ag mas pa rayang nagabaskog bangud sa mga bag-ong variant.
Nagpaandam man raya sa mga ginikanan nga kung may pag-eabag sa mga polisiya sanda ro magasabat.
Ro bag-ong sueondanan it IATF hay igapatuman sa mga lugar nga una sa idaeom it General Community Quarantine ag Modified GCQ.
