Kalibo, Aklan-Uwa nagapaulihi ro mga Aklanon athletes nga mag-amot it medalya para sa Western Visayas sa nagapadayon nga Palarong Pambansa 2024 sa Cebu City.
Suno kay Jonel Isleta, athletics coach it Department of Education ukon DepEd Aklan nga ginatinguhaan it mga atletang Aklanon nga maka-amot it medalya para sa DepEd region kon sa siin nakikipagsabayan ro mga raya sa iba pang atleta it mga rehiyon.
Sa kamatuoran suno kana, pila sa mga atletang Aklanon ro nakabuoe it medalya hay sanday Neyo Sarabia, silver medalist sa shot put sa athletics secondary boys; Rhomrick John Cister ag Jasper Melgaso, gold medalist sa 4 x 50m FreeStyle Relay sa Swimming Elementary Boys ag Rachel Ann Malayas, gold medalist sa High Jump sa Athletics Elementary Girls.
Ginpahayag dugang ni Isleta nga handom nanda nga inde maulihi nga makahakot man it medalya para sa Western Visayas.
