International News——–Tatlong ka mga Chinese nationals kaibahan ro pilang ka mga Pakistani driver ro namatay, sa sangka explosion sa southern city it Karachi, Pakistan.
Nasunog ro nasambitan nga behikulo maeapit sa Confucius Institute University nga ginhalinan it pagkaangkon it lastro sa keawasan it ap-at katawo ag maabo pang iba .
Padayon pa nga ginatumod it mga kapulisan ro ginhalinan it explosion, apang suno sa Baloch Liberation Army nga ro van hay ginsalakay it sangka babaye nga suicide bomber.
Nasayuran nga hugot nga ginapamaeabagan ro mga grupo it Chinese investment sa Pakistan kun sa siin ginapanindugan it mga raya nga indi man makabenepisyo ro mga pumueuyo sa lugar.
Kun mapamatud-an, raya ro pinakaunang kahigayunan nga babaye nga militante ro nagpatigayon it suicide bombing.
