KALIBO, Aklan—Mas pabor ro mga driver it pampublikong transportasyon sa western side sa dating patakaran kaysa makaron nga ginpasugtan eon ro 70% nga seating capacity.
Suno sa driver nga si Jun Pedrola it Makato-Kalibo vice versa nga mas madasig ag mas mabahoe pa ro andang kita kato kat 50 % ro seating capacity sa mga saeakyan.
Kasunod sigon it pagdugang it daywang pasahero hay otomatiko man nga ginpanabaan ro pamasahe.
Nataeupangdan pa nanda nga naghinay man ro pagguwa it mga saeakyan sa andang pila.
Mag-eowas kara, kumpara dati hay obligado man sanda makaron nga magtau it discount sa mga estudtyante ag senior citizens nga pasahero.
Nasayuran nga matapos nga ginbutang sa alert level 2 ro Aklan, ginhaeugaan eon ro pagbiyahe ag owa eon it gintaeana nga age restrictions.
Nagapasaeamat man ro transport sector bangud nga amat amat eon nga nagabalik sa normal ro sitwasyun.
