Kapin sa 30,183 public utility vehicles (PUVs) pa eamang sa makaron ro nakaboue it kopya it bag-ong fare matrix nga sambilog sa mga kondisyon sa implementasyon it dugang-pamasahe.
Sa datos maghalin sa Land Transportation Franchising and Regulatory Board (LTFRB), nakabaehag nga kapin sa 17,496 units eamang maghalin sa 182,615 passenger jeepneys ro nakaboue it bag-ong fare matrix.
Sa Transportation Network Vehicle Service (TNVS), suno sa LTFRB bukon eon it kinahangean pa it mga raya nga mag-secure it fare matrix bangud ro bag-ong fare hike hay makita sa application nga ginagamit para sa transportation booking.
Una eon kara ro pagpasayod ni LTFRB chairperson Cheloy Garafil sa publiko nga indi magbayad it dugang nga pamasahe kung owa it naka-display nga bag-ong fare matrix sa sueod it mga saeakyan.
Sandig sa polisiya it LTFRB, ro first offense para sa mga iligal nga pagsukot it taas pamasahe hay may penalidad nga kapin sa P5,000 ag P10,000 para sa second offense.
Samtang, para man sa third offense, ro penalidad hay P15,000 ag kanselasyon it Certificate of Public Conveyance (CPC).
