KALIBO, Aklan—Hugut nga ginabawae sa Kalibo public market ro mga illegal vendors.
Suno kay market master Noy Pador nga ginalibot ag ginabawaean nanda ro mga raya apang kon makatalikod sanda hay uman nga nagabalik sa dating pwesto ro mga raya nga nauna eon nga gina reklamo nga nagatuga it sab-eag sa daeanon.
Kaeabanan suno kana nga ro nasambit nga mga pasaway nga vendors hay mga dating saealigan ukon kabulig it mga kapitalista rason nga nagatau man sanda it konsiderasyon bangud nga kon pagakumpiskahon ro andang mga baligya hay mahimo nga malugi man sanda.
Samtang, ginapatihan sigon ni Pador nga kon matapos ro construction it bag-ong public market hay mabuhinan ukon maduea eun ro mga naga-squat nga vendors bangud nga magahimo sanda it mga sueondanan ag layi kung siin indi pwede makasil-ot ro ilegal nga mga manugbaligya.
Suhestiyon man ni Pador nga ro mismong mga officers it Fish Vendors’ Associations hay pwede mismo magsita sa mga illegal vendors kon sanda hay nagapwesto sa andang mga papag agud nga makontrol ro mga makaron nga hitabo.
