KALIBO, Aklan—Gina-engganyo ro mga Katoliko nga magpangamuyo, magpatigayon it fasting ukon pagpu-asa, maglikaw sa pagkaon it karne, ag magtau it bulig sa mga nagakinahangean sa Miyerkules Badlis, nga senyales it pag-umpisa it tiempo it Kuwaresma.
Suno kay Rev. Fr. Justy More, chancellor it Diocese of Kalibo nga raya ro tiempo nga ginapadumdum katon ag ginakilaea ro atong pagiging makasasaea ag nagapromisa nga magatinguha nga magabag-o.
Gindugang pa nga ro tiempo it Kuwaresma hay nagabuhay it 40 diyas ag nagatapos sa pagtunod it adlaw it Huwebes Santo, nga imaw ro pag-umpisa it Easter Triduum.
Kada Miyerkules Badlis hay ginabutang ro abo sad ahi it mga tumueuo nga halin sa gin sunog nga mga benditadong lukay ko nagtaliwan nga Palm Sunday ukon Domingo de Ramos.
