KALIBO, Aklan — Target makaron it Department of Agrarian Reform (DAR) nga himuong agri-tourism area ro kaparte it eogtang ginta-o sa mga katutubong Aeta nga miyembro it Boracay Ati Tribal Organization (BATO) ko nagtaliwan nga dag-on.
Suno kay DAR Western Visayas Regional Director Stephen Leonidas nga ginaistudyuhan eon kon paanong ma-develop ro masobra sa tatlong ektaryang eogta.
Plano it ahensya nga tur-an ro mga katutubo it pagtanom it tinuean-on nga in-demand sa isla.
Raya hay bangud sa haeos 90 porsiyento sigon it mga kinahang-eanong supply nga tinuea it mga hotels sa isla hay nagahalin pa sa guwa it Boracay.
Sambilog pa sa andang planong himuon hay matur-an ro mga Aeta it linggwaheng Mandarin ag Korean agud mapadali ro pakikipag-istorya sa mga turista.
Mag-eowas sa pag-promote sigon it turismo sa isla hay mataw-an pa it pangabuhian ro mga katutubo.
