KALIBO, Aklan—Sa ginapangatubang nga mga pagsubok sa temporaryong pagpasarado sa Boracay, mas gusto gihapon it mga Koreano ag Chinese nga magbakasyon sa isla.
Base sa datus it Department of Tourism (DoT)-Boracay sa unang daywang buean it presenteng dag-on, 80 porsiyento it 216,766 nga dumueoong nagbisita sa isla hay naghalin sa mga nasambitang nasyon.
Ro kabilugang tourist arrivals halin ko Enero hasta it Pebrero hay nagaabot sa 340,309 kumpara sa 375,993 ko 2018.
Ro pagnaba it tourist arrivals hay apektado it Boracay closure ag paglimita ukon pagtaeana it carrying capacity sa isla.
Sa nasambitang period, ro China hay nakalista it 107,164 ukon 49% it total foreign visitors nga sinundan ginsundan it Korea nga may 68,453 ukon 31%.
Pangatlo ro mga Amerikano nga may 5,502 ukon tatlong porsiyento it kabilugang travelers.
Ko buean it Pebrero, nagapabilin ro Chinese nga top regional market nga may 59,768 arrivals samtang ro Koreans hay nagaabot sa 34,466.
Samtang, nakalista it 110,406 nga local tourists ag 13,147 ro overseas Filipino workers sa nasambitang period.
