KALIBO, Aklan—Masobra sa 86,000 nga mga turista ro nailistang nagbisita sa Isla it Boracay umpisa Mayo 1 hasta 15, 2024 base sa datos it Municipal Tourism Office it banwa it Malay .
Halin sa nasambit nga numero, 68,871 kara hay domestic ukon local tourist samtang 16,252 ro mga dumueuong nga turista ag 801 ro overseas Filipino workers.
Apang ro nasambit nga numero hay manaba kumpara sa tourist arrivals ko unang daywang domingo it Abril nga nakalista it haeos 92,000 nga turista.
Ro industiya it turismo ro sambilog sa ginatutukan nga sektor it gobyerno probinsiyal bangud nga raya hay ginakabig nga engine of growth sa pag-umwad it ekonomiya it probinsiya.
Makaron nga 2024 hay amat-amat eon nga nakakabawi ro industriya it turismo sa probinsiya.
Apang padayun ro pagpa-umwad it mga produkto, pagpatuman it patakaran, promosyon ag marketing agud nga masiguro nga magiging manami ro eksperyensiya it mga turista kamana man nga masiguro nga uman sanda nga magabalik bukon eamang sa boracay kundi sa iba pang tourist spots it probinsiya.
