Gin-anunsiyo it Department of Education (DepEd) nga posibleng maka-avail it excused absence ukon paid leave ro  mga manugturong nagpositibo sa COVID-19, may sintomas ukon may contact exposure ag kinahangean nga  mag-isolate.

Ginpahayag ni DepEd spokesperson Michael Poa nga raya hay nakabaehag sa idaeom it Department Order 39 nga ginpaguwa ko  Setyembre 20.

Ro excused absence sigon hay pagamarkahan sandang absent apang pagabayaran sa gihapon ro andang  sweldo.

Samtang, nakasueod man raya sa idaeom it DepEd Order 39 nga base sa CSC (Civil Service Commission) Memorandum Circular Number 2, Series of 2022.