POLICE Report — Nakibot ro mga motorista matapos nga makita sa tunga it karsada ro ginputoe-putoe nga parte it eawas it sangka owa pa nakilaea nga indibidwal sa kahabaon it Marilaque Highway, Brgy. Laurel, Santa Maria, Laguna.
Base sa report it Santa Maria Police, bandang alas-12:30 kat gin-report it sangka miyembro it crime watch force ro insidente.
Ginasugid nga sangka rider ro nakadiskubre sa putoe nga siki it eaeaki nga ginpilak sa kilid it highway kat mahumgan kara ro mabaho nga hugum sa nasambit nga lugar. Ro Marilaque hay sambilog sa paboritong pamasyaran it mga rider.
Nagpatigayon pa it pag-usoy ro mga rumespondeng pulis ag nakit-an ro sambilog pang parte it eawas nga ginadudahan nga batiis, kapin sa100 metro ro eayo halin sa nakitang siki.
Nakaputos raya it sangka plastic it basura ag una eon sa state of decomposition.
Padayun pa ro ginapatigayon nga pag-usoy sa lugar para sa iba pang posibleng naduea nga parte it eawas.
Ginpaidaeuum sa pag-usisa it Scene of the Crime Operatives (SOCO) ro mga nakit-an nga parte it eawas samtang padayun man ro imbestigasyon para matumod ro pagkatawo it biktima.
