NATIONAL News — May tsansa eon nga maging regular ro mga empleyado it gobyerno nga may “10 years in service” pataas apang nagapabilin nga bukon it permanente ro status.
Ginpahayag ni Civil Service Chairperson Karlo Nograles nga raya hay pinaagi sa Civil Service Eligibility Preference Rating kun sa siin mataw-an it “ plus ten points “ ro mga government employees nga napueong dag-on eon sa serbisyo bangud nga owa nakapasa sa Civil Service exam.
Sa pihak kara, kinahangean gihapon nga magbo-oe ro mga raya it Civil Service exam apang pwede eon nga indi maabot ro 80% nga passing grade.
Raya hay nagakahueugan nga ro mabo-oe nga 70% hasta 79% hay igakonsiderang pasado bangud sa “plus ten points” ro minimum 10-year requirement sa government service.
Suno kay Nograles, igakonsidera nanda ro maeapad man nga eksperyensiya it mga nasambit nga empleyado bangud sa kabuhayon nanda sa serbisyo sa gobyerno.
