Kalibo Aklan ———-Nagapanawagan makarun it ayuda sa gobyerno it Pilipinas ro mga Overseas Filipino Worker ukon OFW nga nakabase sa Shanghai, China matapos nga maduea-an it trabaho bangud sa ginapatuman nga lockdown tuga it pagtinaas it kaso it COVID-19.
Suno kay Bombo International Correspondent Riman Manlangit it Shanghai, China nga kaabuan sa mga Pinoy makarun nga nagatrabaho sa nasambitan nga nasyon hay nagakabaeaka eun sa andang magiging kahimtangan engkasong mabuhayan pa ro lockdown.
Raya hay bangud sa ginapatuman nga ‘No work, No pay’ kun sa siin haeos tanan kanda idto nga mga Pinoy hay apektado.
Sa makarun suno kana hay ginabawaean sigon sandang makaguwa sa andang compound mag-euwas eamang kung magapaidaeum sa RT-PCR test.
Nasayuran nga nag-umpisa pa ro lockdown ko Abril 1 apang hasta makarun hay owa sa gihapon ginkakas it andang gobyerno.
