Nakabatyag it kasoehayan ro mga ninahan ag una sa kritikal nga kondisyon nga mga Palestinian matapos sandang maibakwit halin sa Gaza paadto it United Arab Emirates para sa pagbueong.
Suno sa World Health Organization (WHO), raya eon ro pinakamabahoe nga medikal nga pagbakwit halin kat nag-umpisa ro gyera pagkatapos it makangiedlis nga pag-atake it Hamas sa southern Israel ko Oktubre 7.
Suno sa mga ospital sa Gaza, 150 pasyente ro nakasakay sa limang bus, maskin nga uwa pa raya ginakumpirma it World Health Organization. Ro maeapnagong operasyong militar it Israel hay sumamad sa sistema it ikamayad nga eawas sa Gaza.
Ro nagapangunang ruta para sa mga medikal nga evacuees sa Rafah border crossing it Gaza-Egypt hay ginsarado matapos kontrolon it militar it Israel ro lugar ko buean it Mayo.
Ginpahayag dugang it mga 5,000 Gazans nga ro nakabaton it pagbueong sa guwa it teritoryo, apang may 10,000 pa ro kanahang-ean makahalin.
Nag umpisa eon nga magtipon ro pinakabag-ong grupo it evacuees ko dominggo sa mga pickup points para sa transportasyon paadto it sentral nga lugar bago maghalin.
