Gin-umpisahan eon ro pila ka mga proyekto it lokal nga gobyerno it Kalibo kon sa siin ro pondo hay ginbueo sa ginrelease nga loan sa munisipyo it Development Bank of the Philippines ukon DBP.
Suno kay Engr. Marlo Villanueva it Municipal and Planning Development Office it LGU Kalibo, kaibahan sa naumpisahan nga proyekto hay ro infrastructure nga presenteng ginaobra sa Brgy. Nalook ag ro nabakae nga propyedad sa Brgy. Tinigaw.
Apang ro new building it Kalibo public market hay inde pa raya maumpisahan bangud nga nakaangkon it problema sa relocation site it mga vendors rason nga uwa pa it klaro ro construction kara.
Sa pihak kara, ro aprubado nga budget ag proyekto para sa makaron nga dag-on hay inde eon daya maduea ukon makakas maskin nga magbaylo ro administrasyon.
Ro mga aprubadong proyekto ag programa para sa presenteng dag-on hay ruyon ro igapaimplementar it bag-ong administrasyon.
Nasayuran nga si Kalibo mayor elect Juris Bautista eon ro incoming municipal mayor it banwa nga nakataeanang magpungko sa buean it Hunyo.
