Nakaabang eon ro mga pumueoyo it Qatar sa pagahiwaton nga grand opening it FIFA World Cup 2022 makaron nga adlaw it Dominggo, Nobyembre 20.
Suno kay Bombo International Correspondent Felmer Villar it Doha, Qatar nga dueo-eungan nga magapatigayun it countdown para sa grand opening ro tanan nga mga stadium it nasyon nga pagagamiton sa kabilugan it torneo.
Grabe sigon ro naging preparasyon it gobyerno kaeakip ro pagpatuman it hugut nga seguridad para masiguro ro kaeuwasan it mga delegado/Makit-an man sigon sa kada kanto it siyudad ro kasadyahan.
Maskin ro mga ticket para sa World Cup hay nagakaubusan eon kung siin ro pinakamahae ukon VIP ticket hay mabakae sa balor nga 10,000 riyal.
Ginpahayag dugang nga excited eon sanda sa kauna-unahan nga paghost it sangka Arab nation sa pinakasikat nga torneo sa bilog nga kalibutan.
