KALIBO, Aklan–Padayon nga naga-antus ro mga pumueoyo sa Sri Lanka tuga it krisis nga ginapangatubang it nasyon.
Suno kay Bombo International Correspondent Christina Sorongon, nagapabilin nga pilahan sa mga gasoline station, kawad-an it medical supply ag nagakaubusan ro basic commodities.
Waea-tuo gihapon ro mga hub-eag protesta it mga Sri Lankan rason nga limitado ro operasyon it government sector nga nagtuga it mga delay transaction.
Uwa pa suno kana it shortage pag-abot sa bugas apang ginatan-aw sa pilang inadlaw hay uwa eon sanda it mabak-ean kara bangud nga kueang ro rice importation sa lugar.
Ginpahayag dugang ni Sorongon nga ginasinggitan makaron it Sri Lankan ro corruption it administrasyon ni resign President Goatabaya Rajapaksa kon siin nag-aywan raya it bilyon dollar nga utang sa nasyon it China ag sa iba pang gamhanan nga nasyon nga raya ro ginamit sa mga insfrastructure project it gobyerno.
Suno pa kay Sorongon, nagapanawagan eon makaron ro overseas Filipino workers ukon OFW’s it repatriation sa gobyerno it Pilipinas agud nga makalikaw sa nagalala nga sitwasyon it Sri Lanka.
