Nabuoe it mga rebelde ro kontrol sa mabahoe nga parte it Aleppo, ro ikaywang pinakamabahoe nga syudad sa Syria.
Suno sa Syrian Observatory for Human Rights (SOHR), raya ro unang kahigayunan halin 2016 nga umabot ro mga rebelde sa syudad matapos ro maeapnagong opensiba nga nag-umpisa ko adlaw it Miyerkules.
Nagpatigayon ro Russia it mga airstrike sa Aleppo, ro pinakauna halin ko 2016.
Masobra sa 300 katawo, kaibahan ro 20 sibilyan, ro naireport nga namatay sa padayon nga engkwentro.
Suno sa militar it Syria, temporaryong nag-atras ro mga tropa agud magpahaom para sa sangka kontra-opensiba.
Ginpahayag man it mga rebelde nga madasig nandang nabuoe ro syudad bangud sa kawad-an it mabaskog nga pagsukoe halin sa tropa it gobyerno.
Ro mga karsada ag paeoparan sa Aleppo hay ginsarado, samtang libo-libong residente ro nagbakwit bangud sa gyera.
Suno kay David Carden, deputy humanitarian coordinator it United Nation para sa Syria, ro tatlong adlaw nga pag-atake hay nagresulta sa pagkamatay it 27 nga sibilyan, kaeakip ro mga onga.
