KALIBO, Aklan–Nagaeaum ro mga residente sa Barangay Tambak, New Washington nga maumpisahan sa mas madali nga tiempo ro pag-repair sa nahalitan nga mabahoe nga parte it seawall sa Sitio Dumlog sa nasambit nga lugar.
Suno kay Punong barangay Lucille Macario it Tambak, New Washington nga gin-inspeksyon kahapon it maintenance division it Department of Public Works and Highways ukon DPWH-Aklan ro nasamad nga seawall.
Kapin sa 75 milyon pesos ro nabo-oe nga pondo it taeatapan ni Aklan 1st District Congressman Carlito Marquez halin sa DPWH.
Apang ginklaru ni kapitan macario nga ro nasambit nga budget hay bukon eamang it para sa repair it nasamad nga seawall sa tambak kundi kaibahan kara ro construction man sa nasamad nga portion it brgy. polo sa nasambit man nga banwa.
Nag-umpisa nga masamad ro seawall ko nobyembre it nagtaliwan nga dag-on bangud sa mga mabaskog nga humbak tuga it amihan.
Ginatantiya nga naga abot sa 100 hasta 150 meters ro kaeaparon it nasamad nga seawall nga nagatuga it pagkabaeaka sa mga residente nga naga-istar maeapit sa lugar.
Gindugang pa ni kapitan macario nga kapin sa ap-at nga pamilya ro temporaryong gin abandona ro andang baeay matapos nga sudlon it tubi-dagat.
Nasayuran nga ro seawall hay gin-construct eamang ko2016
