Kalibo Aklan ——–Mag-eowas sa S-pass, gina-engganyo sa gihapon ro mga turista nga gustong magbisita sa Isla it Boracay nga gumamit it QR code it Aklan .
Ro S-Pass hay sangka travel management system nga nauna eon nga gin aprubahan it Inter-Agency Task Force on Emerging Infectious Diseases nga pagagamiton it mga biyahero agud nga mapadali ro andang pagbiyahe sa idaeum it ginpatuman nga uniform travel policy.
Suno kay Aklan Governor Florencio “Joeben” Miraflores nga maabu eon nga mga turista ro nakasayod angot sa paggamit it QR code kun sa siin naging madali para sa lokal nga gobyerno it Aklan ro pagpatigayon it contact tracing .
Nasayuran nga ro S-Pass hay gin-obra it Department of Science and Technology (DOST) para sa mga biyahero para sa madasig nga contact tracing system sa tunga it ginapangatubang nga COVID-19 pandemic.
Base sa patakaran, antes nga makasueod sa Boracay ro sangka turista, obligado raya nga magpa-rehistro para sa QR code sa www.aklan.gov.ph.
Kinahangean nga ipasa ro registration form para sa validation.
Kaibahan kara ro negatibong resulta it swab test ag hotel bookings sa Caticlan Jetty Port.
