Magapatawag it legislative inquiry sa plenaryo ro committee on disaster and preparedness it Sangguniang Panlalawigan angot sa mga pabaeay it National Housing Authority ukon NHA nga hasta sa makaron hay uwa gihapon naokupahan it mga natungdan nga beneficiaries.
Ginpahayag ni Aklan first district board member Nemesio Neron nga kapin sa napueo ka banwa sa Aklan ro recipient it housing project kon siin eaban sa mga unit hay uwa it nagaokupa nga benepisyaryo.
Ginpahayag dugang ni Neron nga kanugon ro kwarta nga gin-uyang it gobyerno sa nasambit nga proyekto kon inde manlang raya mapuslan it tawo.
Gusto nana nga paimbestigahan ro proyekto agud nga masayuran kon anu ro problema nga ham-an it abandonado ro mga housing unit sa probinsya it Aklan.
Nag-ugat suno kana ro anang interes sa housing projects it NHA matapos nga maabo ro nagpaabot sa anang igtaeopangod nga ro mga pabaeay hay gin-abandona it mga benepisyaryo ag ro iba hay uwa gid it senyales nga may nag-istar sa unit.
Posible suno kana nga kueang sa pasilidad ukon uwa it source of living maeapit sa lugar para sa andang pang adlaw adlaw nga kinahang-eanon sa pagpangabuhi
