KALIBO, Aklan—Makaangkon eon it tyansa ro banwa it Kalibo nga maging syudad sa dag-on 2023.
Suno kay Kalibo sangguniang bayan member Augusto Tolentino, raya hay matapos nga ginbuhi it uman ro House Bill No. 4558 sa kongreso.
Ginpahayag dugang nga natapos eon ro committee hearing sa nasambit nga hagna ag nakataeana eon raya nga isalang sa plenaryo.
May kaangtanan kara, gin-engganyo ni Tolentino ro bilog nga konseho nga magbaeay man it resolution agud nga mapabaskog ro pagsuporta sa nasambit nga hagna.
Engkaso nga maging syudad ro Kalibo, makakriar it maabong trabaho kamana man madugangan ro pondo nga pwedeng magamit sa maabo man nga proyekto.
Nasayuran nga mabuhay eon nga ginaduso nga maging syudad ro Kalibo apang bangud sa mga kakueangan sa requirements hay uwa gihapon raya natuman.
