KALIBO, Aklan—Magapatigayon ro Muslim community sa Aklan it selebrasyon it Eid’l Fitr pagkatapos it moon sighting.
Suno kay Ustadz Jamal Isidro nga ro Eid’l Fitr hay ro nagapangunang selebrasyon it Islam kun sa siin andang ginadumdum ro pagtapos it Ramadan ukon ro buean it pagpu-asa.
Raya hay tradisyonal nga ginamarkahan it sangka espesyal nga pagkaon para sa maabu nga mga Muslim, ro unang pagkaon sa adlaw it sang buean nga pu-asa.
Sa raya nga okasyon hay naga-ilis it manami nga eambong, nagabutang it dekorasyon sa baeay, nagatililipon ro pamilya ag mga amigo, nagatambong sa mga serbisyo sa mosque ag nagatau it donasyon.
Samtang, ro iba hay naga-outing ag naga-agto sa mga baybay ag nagakinasadya.
Sa Eid’l Fitr hay may ginatawag man sanda nga Zakat Ul Fitr ukon mas kilaea man sa tawag nga Fitrana ukon pagtau it donasyon nga pagkaon sa mga nagakinahangean antes ro Eid prayer para sa pagpakita it pagpalangga kay Allah.
