BALITANG Espesyal —- Sangka auction house sa New York ro nagapasubasta it sangka kakaibang sports memorbilia, ro upos it tabako ni NBA basketball superstar nga si Michael Jordan!
Ro Lelands Auction hay kilaea sa pagpasubasta it mga sports memorabilia.
Suno kanda, ro tabako nga andang ginapa-auction hay halin sa sangka NBA fan nga nagpa-picture kay Michael Jordan sa Arizona Baltimore Resort ko 2021.
Nagapanigarilyo si Michael Jordan kat maka-istorya ro fan nga naghinyu kon pwede raya nga magpa-picture kana.
Nagpasugot ro NBA star ag gintungtong anay sa ashtray ro paubos eon kara nga tabako.
Pagkatapos pasugtan ro hinyu it fan, naghalin eon raya sa anang ginapungkuan ag nagpa-babay.
Kat mataeupangdan it fan nga naaywan ni Michael Jordan ro anang tabako, ginbo-oe nana raya ag gintago sa pag-eaum nga maibaligya nana raya sa mataas nga kantidad .
Ro tabakong gingamit ni Michael Jordan hay sangka Oliva V Melanio ag himo raya sa Nicaragua.
Maga-umpisa ro auction price kara sa balor nga $500 dollars.
