Ginsuhestyon ni Kalibo sangguniang bayan secretary Diane Figarido nga usisaon it presenteng konseho ro naga-eksister nga ordinance number 2013-001 ukon An ordinance regulating the operation of peryahan in the municipality of Kalibo, province of Aklan and providing penalties for violation thereof nga ro author hay si kagawad Mark Sy, tagapaghambae ni Kalibo mayor Juris Sucro.
Sa tatlong panig nga ordinansa hay nakabaehag nga ginapasugtan ro mini-lottery sa peryahan apang bukon it klaro kon anu ro ginatumod nga mini-lottery ag ro regulasyon kara.
Bangud kara, medyo bukon it kumporme si Figarido rason nga nagakadapat nga usisaon raya it uman eabi eon nga may napabalitang may illegal gambling nga nagakatabo sa sueod it peryahan.
Nauna eon nga ginrenew it uman it LGU sa sueod it sang buean ro permit to operate it daywang ka peryahan sa banwa maskin nga may ginasugid nga may illegal nga sugae nga nagakatabo sa sueod kara bangud sa mga maeagkuan nga taya.
