Kapareho sa nagtaliwan nga dag-on hay uman nga magiging simple apang may dungog ro nagahilapit nga State of the Nation Address ukon SONA ni Pangueong Ferdinand Marcos Jr. sa July 27.
Suno kay House Secretary General Cheloy Garafil, owa it red carpet ag ginhambaean man nanda ro mga kongresista, eabi eon ro mga kababayin-an nga simpleng Filipiniana dress eang ro isuksok.
Dugang pa ni Garafil, mas manaba man ro pondo para sa SONA makaron nga dag-on.
Bilang kaparte it preparasyon, ginpatigayon ko nagtaliwan nga adlaw ro walk-through it pilang mga opisyal ag representante it Malacañang, Senado, ag Kamara sa Session Hall it Batasang Pambansa kun sa siin pagahiwaton ro SONA.
Ginpahayag man ni House Engineering and Physical Facilities Department Deputy Secretary General Engr. Renato Dela Torre nga owa it magabag-o sa overall set-up sa sueod it plenary hall bangud nga ro seating arrangements, guest capacity, ag holding areas hay kapareho man sa nagtaliwan nga mga SONA.
Dugang pa ni Dela Torre, ginpatigayon ro pag-upgrade sa pilang nagapangunang pasilidad sa Batasang Pambansa kapareho sa hagdan ag hallways sa ikaywa ag ikatlong panaegan it Main Building kamana man sa mga Alfresco areas sa North ag South Lounge.
Gindungan man suno kana ro rehabilitasyon sa bungbungan it ika-6th floor it North ag South Wing buildings ag ro landscaped sa palibot it flagpole.
