Nagkaeain-eain nga klase it bueak para sa pyesta minatay, mabakae eon sa mga flowershop sa may Roxas Avenue, Kalibo

Mabakae eon ro nagkaeain-eain nga klase it bueak sa flowershop nga nahamtang sa may Roxas Avenue, Kalibo sang dominggo antes ro pyesta minatay.

Suno sa flower vendor nga si Nora Matangga, sigidas eon ro pag-aeabutan it andang mga customers kon siin ro andang suki hay may mga reservation eon kanda.

Maabo eon suno kana ro temprano pang nagbisita sa andang mga pinalangga sa kabuhi nga nagtaealiwan nga makit-an ro panchon sa mga sementeryo sa banwa it Kalibo.

Ginpahayag dugang nga mabakae kanda ro bueak nga malaysian mumps, star gazer, rosas ag maabong iba pa.

Ro mga may kaya sa kabuhi hay mahae man nga bueak ro ginapaarrange kanda.

Ro andang mga bueak hay naghalin pa sa Baguio ag may sangkiri nga adjustment sa presyo.