KALIBO, Aklan—Nagpatigayon it mga simulation and drill exercises ro Municipal Disaster Risk Reduction and Management Office ukon MDRRMO-Kalibo may kaangtanan sa selebrasyon it National Disaster Resilience Month.
Suno kay Terrence Toriano, head it MDRRMO-Kalibo nga kaibahan sa andang gintaw-an it atensyon hay ro insidente it pagkaeumos bangud nga ginadumdum man makaron nga buean ro drowning prevention month.
Umpisa ko Martes, Hulyo 19 hay ginpatigayon ro nasambit nga aktibidad sa activity area it City Mall Kalibo kun sa siin kaibahan kara ro pag-exhibit sa andang mga rescue equipment.
Ginpakita man kara ro andang ikasarang sa pag-rescue sa mga vehicular accidents.
Sa Biyernes hay iga-demonstrate nanda ro pagresponde sa mass casualty incident.
Kabulig nanda kara ro Bureau of Fire Protection, Kalibo PNP, Philippine Army, Emergency Medical Service it St. Gabriel College, Disaster Response Team it Aklan PDRRMO ag Poblacion, Kalibo ag iba pa.
Bukas sigon ro aktibidad sa publiko apang gin-abisuhan nga indi magtuga it trapiko.
Gindugang pa ni Toriano nga igapakita kara ro ikasarang it mga partcipants ukon kahauman sa tiempo it kalamidad ukon aksidente.
Tuyo it National Disaster Resilience Month nga mapabaskog ro kahauman ag kapag-on it komunidad ag mga pumueuyu nga may tema makaron nga dag-on nga “Sambayanang Pilipino Nagkakaisa Tungo sa Katatagan at maunlad na kinabukasan.”
