KALIBO, Aklan—Nagsaka pa sa kabilugang 2,073 ro kaso it coronavirus disease ukon covid-19 sa bilog nga probinsya it Aklan.
Raya hay kasunod it panibag-ong 15 ka mga indibidwal nga nailistang tinamaan it deadly virus.
Sa pinakaulihing datos maghalin sa Aklan Provincial Epidemiology Surveillance Unit it Provincial Health Office, raya hay ginakaeakipan it ap-at maghalin sa banwa it Malay; tig-tatlo sa Libacao, Balete ag Tangalan; ag tig-sambilog maghalin sa Banga ag New Washington.
Sa pihak kara, nagtaas man sa kabilugang 1,697 ro numero it mga nagmayad matapos ro pagbueong bangud sa panibag-ong 23 nga datos nga ginpaguwa it nasambit nga ahensya.
Sa makaron, kapin pa sa 332 ro mga aktibong kaso it deadly virus sa probinsya nga ginakaeakipan it 225 nga una sa facility quarantined; 79 nga naka-home quarantined ag 28 ro admitted.
Samtang, nagaabot eon man 44 ro total deaths sa Aklan halin kat nag-eopok ro pandemya ko December 2019.
