KALIBO, Aklan—Nagapadayun ro imbestigasyon it Bureau of Fire Protection (BFP) Altavas matapos nga maugdaw ro bilog nga PEHM (Physical Education, Health and Music) building it Altavas National School kahapon it pasado alas-5:10 it agahon.
Suno kay SFO2 Templo Panado it BFP-Altavas, kwestiyonable pa makarun kon pila ro naaywanan nga danyos matapos ro nasambit nga insidente.
Nauna eon nga ginpahayag ni Mr. Clinton Candelario, principal it nasambit nga eskwelahan nga nagtawag kana ro andang gwardya nga nakilaeang si Mariano De Blas agud nga ipahisayod nga nagakasunog ro eskwelahan.
Suno kana nga samtang nagapaagto sa CR hay may nahumgan imaw nga nagakasunog nga bagay.
Nakita eon lang kara nga nagakasunog eon ro nasambit nga building rason nga insigidang nagtawag it bombero.
Kaibahan nga nag responde sa insidente ro BFP-Balete ag BFP-Sapi-an sa Capiz.
Mabahoe man ro pagpati kara nga sa stock room nag-umpisa ro kaeayo ag bangud sa faulty electrical wiring.
Kaibahan sa mga nasunog ro mga pungkuan ag iba pang mga gamit sa sueod.
