NATIONAL News — Gindeklara it Malacañang ro November 4, 2024 bilang National Day of Mourning para sa mga biktima it severe tropical storm ‘Kristine’ nga nagpanasaea sa nasyon ko nagtaliwan nga domingo.
Sa makaron nga adlaw, dapat nga naka-half-mast ro bandera it Pilipinas sa mga buildings ag installations it gobyerno sa sueod ag sa guwa it nasyon umpisa sa pagbut-eak it adlaw hasta sa pagtunod kara hinduna.
Base sa data it National Disaster Risk Reduction and Management Council (NDRRMC), nagsaka eon sa 150 ro reported death toll bangud sa bagyong Kristine ag bagyong Leon.
Samtang, indi magnaba sa 30 nga katawo ro reported missing ag 122 nga iba pa ro napabalitang naninahan.
Naapektuhan man it dayawang nasambit nga mga bagyo ro masobra 2 million nga mga pamilya halin sa 17 nga mga rehiyon.
Nagguwa eon ro bagyo Kristine sa Philippine Area of Responsibility (PAR) ko October 25, samtang nagguwa man ro bagyo Leon sa PAR ko November 1.
