Gindebatehan sa ginpatigayon nga special session it Sangguniang Bayan it Kalibo kon nagakadapat nga irebisa ukon amyendahan ro mga naunang plano nga nakabaehag sa aprubadong ordinansa nga programa ag proyekto nga nakataeana sa approved loan sa government bank it lokal nga gobyerno.
Raya hay matapos nga ginmanduan it executive department ro konseho nga isapinal eon ro mga dokumento agud nga magamit ro nasambit nga haega it kantidad.
Madumduman nga aprubado eon sa nagtaliwan nga administrasyon ro mga ordinansa nga ginaduso kon siin ro P107 milyon pesos nga kaparte sa masobra P600 milyon pesos nga loan it LGU hay nakataeana kunta sa pagpatindog it covid-19 quarantine facility ag iba pang edipisyo.
Apang, gusto it konseho nga bayluhan ro nakabaehag sa aprubadong kontrata bangud nga sambilog sa mga rason hay uwa eon haeos it covid-19.
Mas makamayad suno kanda kon ibutang eon lang raya bilang multi-purpose building nga magamit sa nagkaeain-eain nga proyekto it LGU.
